পশ্চিমবংগত ধৰ্ষণ বিৰোধী নতুন বিধেয়ক
পশ্চিমবংগত ধৰ্ষণ বিৰোধী নতুন বিধেয়ক বিধানসভাত গৃহীত হোৱাৰ পাচতে দেশ জুৰি চৰ্চা চলিছে । কাৰণ সেই বিশেষ বিধেয়কখন আছিল পশ্চিমবংগ অপৰাজিতা সংশোধনী আইন ২০২৪ । মঙলবাৰে বিধানসভাত সৰ্বসন্মতিক্ৰমে গৃহীত হয় বিধেয়খন ।
মহিলা আৰু শিশু সুৰক্ষাৰ স্বাৰ্থতে পশ্চিমবংগত অপৰাজিতা সংশোধনী বিধেয়ক, ২০২৪ গৃহীত কৰা হয় । যাক ধৰ্ষণ বিৰোধী বিধেয়ক বুলিও উল্লেখ কৰা হৈছে ।
বিধেয়কখন মঙলবাৰে সদনত মুখ্যমন্ত্ৰী মমতা বেনাৰ্জীয়ে উত্থাপন কৰে । বিধেয়খনত বিজেপিৰ বিধায়কৰ সমৰ্থনত সৰ্বসন্মতিক্ৰমে গৃহীত হয়।
এই বিধেয়ক আইনত পৰিণত হ’লে, পশ্চিমবংগৰ বাবে প্ৰযোজ্য ভাৰতীয় ন্যায় সংহিতা , ভাৰতীয় নগৰিক সুৰক্ষা সংহিতা আৰু যৌন অপৰাধৰ পৰা শিশুৰ সুৰক্ষা আইন (POCSO)ৰ কিছু অংশ সংশোধন কৰিব পাৰিব।
পশ্চিমবংগত ধৰ্ষণ বিৰোধী নতুন বিধেয়কখনত স্পষ্টকৈ উল্লেখ আছে কেইবাটাও দিশ । সেই সমূহৰ ভিতৰত আছে…
বিধেয়খন আইনত পৰিণত হ’লে ধৰ্ষণকাৰী বিৰুদ্ধে BNSৰ ধাৰা 64ৰ জড়িয়তে দোষীক শাস্তি হিচাপে কাৰাদণ্ডৰ লগতে মৃত্যুৰ সময়লৈকে জৰিমনাসহ আজীৱন কাৰাদণ্ডলৈ বৃদ্ধি কৰিব ।
যদি ভুক্তভোগী গৰাকীৰ মৃত্যু হ’লে বিএনএছৰ ধাৰা 66ৰ মতে মৃত্যুদণ্ডৰ শাস্তি বাধ্যতামূলক কৰিবলৈ বিচৰা হৈছে । অসংশোধিত BNSৰ অধীনত, এই অপৰাধৰ বাবে নিৰ্ধাৰিত শাস্তি হৈছে কমেও বিশ বছৰৰ বাবে যাৱতজীৱন কাৰাদণ্ড।
কিন্তু নতুন আইন প্ৰণয়ন হ’লে পশ্চিমবংগত ধৰ্ষণকাৰীৰ শাস্তি মৃত্যুদণ্ড প্ৰদান কৰা হ’ব । যদি দলবদ্ধ ধৰ্ষণ কৰা দোষীক বিএনএছৰ ধাৰা 70(1) দ্বাৰা আজীৱন কাৰাদণ্ড বা মৃত্যুদণ্ডৰ লগতে জৰিমনা নিৰ্ধাৰণ কৰা হৈছে।
আনহাতে ধৰ্ষণৰ ভুক্তভোগীৰ পৰিচয় প্ৰকাশ কৰাৰ অপৰাধৰ বাবে BNS ধাৰা 72ৰ মতে 3-5 বছৰৰ কাৰাদণ্ড আৰু জৰিমনা লৈ প্ৰদান কৰা হৈছে ।
অনুমতি অবিহনে এনে ক্ষেত্ৰত আদালতৰ প্ৰক্ৰিয়া প্ৰকাশ কৰাৰ বাবে একেধৰণৰ বৰ্ধিত শাস্তিৰ প্ৰস্তাৱ দিয়া হৈছে । অসংশোধিত BNSৰ অধীনত, এনে অপৰাধৰ বাবে জৰিমনা আছিল 2 বছৰ কাৰাবাস আৰু জৰিমনা ।
তদন্ত আৰু পৰীক্ষণৰ বাবে কম সময়সীমা নিৰ্ধাৰণ কৰা । ধৰ্ষণৰ ঘটনাৰ তদন্তৰ বাবে কম সময়সীমা প্ৰদান কৰিবলৈ BNSSৰ ধাৰা 193 সংশোধন কৰিবলৈ চেষ্টা কৰা হৈছে বিধেয়খনত।
বিধেয়কখনত উল্লেখ আছে, তদন্ত প্ৰক্ৰিয়া 21 দিনৰ ভিতৰত সম্পূৰ্ণ কৰিব লাগে । BNSSৰ অধীনত প্ৰদান কৰা হৈছিল দুমাহ । কেছ ডায়েৰীত লিখিতভাৱে লিপিবদ্ধ কৰিব লগা কাৰণবোৰৰ বাবে এই সময়সীমা অতি বেছি15 দিনলৈ বৃদ্ধি কৰা হ’ব পাৰে ।
বিধেয়কখনে BNSSৰ ধাৰা 346(1) সংশোধন কৰাৰ প্ৰস্তাৱ আগবঢ়াইছে । যাতে অভিযোগপত্ৰ দাখিল কৰাৰ তাৰিখৰ পৰা 30 দিনৰ ভিতৰত এনে গোচৰৰ তদন্ত বা বিচাৰ সম্পূৰ্ণ হয়।
বিশেষ আদালত আৰু টাস্ক ফ’ৰ্চ সম্পৰ্কে বিধেয়কখনত উল্লেখ আছে । বিএনএছএছৰ ধাৰা 29(A)ৰ অধীনত বিশেষ আদালত স্থাপনৰ বাবে সংশোধনৰ প্ৰস্তাৱ দিছিল।
কিন্তু বিধেয়কখনে আদালতক ধৰ্ষণ আৰু সম্পৰ্কিত গোচৰবোৰত অনুসন্ধান বা বিচাৰ দ্ৰুততাৰে সম্পূৰ্ণ কৰাটো নিশ্চিত কৰাৰ দায়িত্ব দিয়া হৈছে।
ইফালে নতুনকৈ প্ৰস্তাৱিত ধাৰা 29(B)ৰ অধীনত ধৰ্ষণৰ বিচাৰ এজন বিশেষ ৰাজহুৱা অধিবক্তাৰ দ্বাৰা কৰা হ’ব যাক চৰকাৰী অধিসূচনাৰ দ্বাৰা নিযুক্তি দিয়া হ’ব। এই পদত নিযুক্ত যিকোনো অধিবক্তাৰ কমেও সাত বছৰৰ অনুশীলন থাকিব লাগিব ।
বিধেয়কখনৰ ধাৰা 29(C)ত উল্লেখ কৰা মতে, য’ত জিলা পৰ্যায়ত অপৰাজিতা টাস্ক ফ’ৰ্চ হিচাপে জনাজাত এক বিশেষ টাস্ক ফ’ৰ্চ গঠন কৰা হ’ব । উপ-আৰক্ষী অধীক্ষকৰ নেতৃত্বত গঠিত এই টাস্ক ফ’ৰ্চটো ধৰ্ষণৰ গোচৰ চম্ভালিবলৈ দায়বদ্ধ হ’ব।
এই টাস্ক ফ’ৰ্চৰ অধীনত তদন্ত, যিমান দূৰ সম্ভৱ, এগৰাকী মহিলা আৰক্ষী বিষয়াৰ দ্বাৰা কৰা হ’ব । যিসকলে এই টাস্ক ফ’ৰ্চক তেওঁলোকৰ কৰ্তব্য পালনত বাধা প্ৰদান কৰে অথবা তেওঁলোকৰ কৰ্তব্যত বিফল হয় তেওঁলোকৰ ছয় মাহৰ কাৰাদণ্ড বা জৰিমনা ভৰিব লাগিব ।
আইনখনৰ উদ্দেশ্য হৈছে ধৰ্ষণ আৰু যৌন অপৰাধসম্পৰ্কীয় নতুন ব্যৱস্থা সংশোধন আৰু প্ৰৱৰ্তন কৰি মহিলা আৰু শিশুসকলৰ সুৰক্ষা শক্তিশালী কৰা।
মহিলা চিকিৎসকগৰাকীৰ মৃত্যুৰ পৰিপ্ৰেক্ষিতত সোমবাৰে (২ ছেপ্টেম্বৰ) বিধানসভাৰ দুদিনীয়া বিশেষ অধিৱেশন আহ্বান কৰা হয়, যাৰ ফলত দেশজুৰি ক্ষোভৰ সৃষ্টি হয়।
ইফালে সমগ্ৰ বিধেয়খনৰ খচৰা প্ৰস্তুত কৰাৰ ক্ষেত্ৰত অধিবক্তা সুচৰিতা বসু, সৌমেন মোহান্তি, স্বাতী শৰ্মা, ৰিদ্ধি জৈন, শিবানা ফাৰহীন, উপাসনা মোহান্তি আৰু ইণ্টাৰ্ন প্ৰজ্ঞা বাচাকৰ নেতৃত্বত বিধেয়কখনৰ খচৰা প্ৰস্তুত কৰিছিল ।
উল্লেখ্য যে, ৯ আগষ্টত কলকাতাৰ RG KAR চিকিৎসালয়ত সংঘটিত ঘটনাই দেস কঁপাই তুলিছিল । আজিও চিকিৎসক গৰাকীৰ ন্যায়ৰ দাবীত পশ্চিম বংগত প্ৰতিবদ অব্যাহত আছে । যাৰ বাবে পশ্চিম বংগত এই আইন প্ৰণয়ন কৰা হৈছে ।
এই ক্ষেত্ৰত পশ্চিমবংগৰ মুখ্যমন্ত্ৰী মমতা বেনাৰ্জীয়ে কৈছিল যে তেওঁ “আৱেগিক হৈছিল, কিয়নো টিএমচি চৰকাৰে বিধানসভাত ধৰ্ষণ বিৰোধী আইনখন উত্থাপন কৰি।’
ইয়াক ঐতিহাসিক আৰু আদৰ্শ” বুলি অভিহিত কৰি তেওঁ কয় যে, তেওঁ সুখী যে ইয়াক 3 ছেপ্টেম্বৰত ৰখা হৈছিল কিয়নো ৰাষ্ট্ৰসংঘই 1981 চনৰ আজিৰ দিনটোতে মহিলা বৈষম্য সমিতিৰ জন্ম লাভ কৰিছিল ।